Hauts-de-Frans Sebitleýin ekspress transportynyň Twitter hasabyndan berilen beýanata görä, Gare du Nord atly otly bekedinde Türkiyäniň wagty bilen sagat 08:45-de bir adam pyçak bilen beýleki ýolagçylara hüjüm etdi.
Hüjümde 1-i polisiýa işgäri jemi 6 adam ýaralandy, howpsuzlyk güýçleri hüjüm gurandygy çak edilýän şübhe astyndaky 1 adamy od açyp, ýaralady.
Şübhe astyndaky adam hassahana ýatyryldy, pyçakly hüjüme sezewar galan 1 adamyň saglyk ýagdaýynyň tankydydygy mälim edildi.
Beýanatda birnäçe wagtlyk arakesme berilen otly saparlarynyň ýaňadandan başladylandygy barada maglumat berildi.
Beýleki tarapdan Parižiň Prokuraturasy hüjüm bilen bagly adamyň janyna kast etmek işiniň çäginde derňew işini başlatdy.
Içeri işler ministri Jerald Darmanin wakanyň bolan ýerinde beren beýanatynda, 2 polisiýa işgäriniň şübhe astyndaky hüjümçini od açyp täsirsiz ýagdaýa getirendigini habar berdi.
Darmanin ýaralanan adamlaryň biriniň serhet gullukçysy polisiýa işgäridigini aýan etdi.