Rusýanyň, Belarusyň, Ermenisyanyň,Gyrgyzystanyň we Täjigistanyň harbylary Gazagystana iberilen parahatçylygy goraýan harby kontingentiň düzümine girýär diýip Kollektiwleýin Howpsuzlyk Şertnamasy Guramasy (KHŞG) perşenbe güni habar berdi.
“KHŞG-niň kollektiwleýin howpsuzlyk geňeşiniň 2022-nji ýylyň 6-njy ýanwarda kabul eden kararyna laýyklykda, Kollektiwleýin Howpsuzlyk Şertnamasy Guramasy ýurtda ýagdaýlary durnuklaşdyrmak we kadalaşdyrmak üçin kollektiwleýin parahatçylyk güýçlerini çäkli möhlet bilen Gazagystana iberdi” diýlip guramanyň edarasy habar berýär.
Onuň düzümindäki öndebaryjy bölümler eýýäm,öz öňünde goýlan wezipeleri ýerine ýetirmäge başlady diýip Interfax.ru. maglumat berýär.
Gazagystandan ygtybarly maglumatlary almak çetin.Sputnik.kz, Orda.kz we beýleki ýurtdan garaşsyz maglumatlary berýän çeşmeler elýeterli däl.Gazagystanda internet, şeýlede telekanallar izigiderli işlemeýärler.The post Parahatçylygy goraýan harby kontingent Gazagystana iberildi first appeared on Türkmenistanyň Hronikasy.