Türkmenistanyň Prezidentiniň Karary bilen tassyklanan Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň meýilnamasyna laýyklykda, 2023-nji ýylyň 27-nji noýabrynda Pakistan Yslam Respublikasynyň Yslamabat şäherinde Magtymguly Pyragy we häzirki zamanda halklaryň dostlugy atly ylmy-amaly maslahat geçiriler.
Yslamabatda geçiriljek ylmy-amaly maslahata Türkmenistanyň Medeniýet ministrliginiň Döredijilik işgärleri bölüminiň başlygynyň orunbasary, Türkmenistanyň at gazanan medeniýet işgäri Akmyrat Rejepow, şeýle-de Türkmenistanyň Ylymlar akademiýasynyň wekilleri gatnaşar.
Gündogar edebiýatynyň görnükli wekili, akyldar şahyrymyz Magtymguly Pyragynyň doglan gününiň 300 ýyllygy mynasybetli Pakistan Yslam Respublikasynda geçiriljek ylmy-amaly maslahata gatnaşjak ildeşlerimiz şu ýylyň 24 — 28-nji noýabry aralygynda Pakistan Yslam Respublikasynda saparda bolar.