Pakistanyň Haýber Pahtunhwa sebitinde ýolagçy marşrutkalaryna düýn guralan ýaragly hüjümde 42 adam ýogaldy, 20 adam ýaralandy.
Dawn gazetiniň berýän habaryna görä, ýaragly topar, Paraçynardan Peşawer şäherine tarap şaýy musulmanlary alyp barýan marşrutkalara od açdy.
Hüjümde 42 adamyň ýogalandygy, hüjümiň jogapkärleriniň tapylmagy üçin derňew işiniň gozgalandygy nygtaldy.
Hüjümde ýaralanan 20 adamdan 10-nyň ýagdaýynyň agyrdygy sebäpli hüjümde ýogalanlaryň sanynyň artmagyna alada bildirilýär.
Hüjümçileriň 200 ulaglyk kerwende ilki howpsuzlyk güýçlere od açandygy bellenildi.
Hüjümiň jogapkärçiligini heniz öz üstüne alan bolmady.
Pakistanyň Prezidenti Asyf Ali Zerdari, hüjümi ýazgardy we wakada ýogalanlaryň hossarlaryna gynanç bildirdi.
Premýer-ministr Şahbaz Şerif hem hüjümi ýazgardy we hüjümleriň tussag edilmegi üçin görkezme berdi.
Içeri işler ministri Muhsin Nakwi hem wakany “terrorçylykly hüjüm” hökmünde häsiýetlendirdi.