Bathyzyň welaýat Şurasynyň wekili Muhammed Nasyr Nazari, Talibanly başbozarlaryň Bathyzyň Ab Kemeri etrabyndaky polisiýa merkezine ýaragly hüjüm gurandygyny habar berdi.
Hüjümde 5 polisiýa işgäriniň ýogalandygyny aýdan Nazari, 3 polisiýa işgäriniň bolsa ýaralanandygyny mälim etdi.
Nazari sebite goşmaça harby güýjüň gönükdirilmegi bilen Talibanly başbozarlaryň yza serpikdirilendigini aýan etdi.
Taliban tarapyndan bolsa hadysa bilen bagly entek beýanat berilmedi.
Beýleki tarapdan bolsa Talibanly başbozarlaryň ýurdyň Gor welaýatyndaky polisiýa merkezine hüjüm guramagy netijesinde 2 howpsuzlyk işgäri ýogaldy.