Owganystanyň günortasynda ýerleşýän Kandahar welaýatynda düýn irden guralan kamikaze hüjüminde ýogalanlaryň sany 26 adama ýetdi.
BBC-niň welaýatyň iň uly hassahanalaryndan biri bolan Mirweis hassahanasynyň lukmanlaryna esaslanylýan habara görä, hüjümde ýogalanlaryň sany 26, ýaralananlaryň sany bolsa 28 adama ýetdi.
Düýn irden Kabul bankynyň Kandahardaky bölüminiň öňünde kamikaze hüjümi guralypdy.
Hüjümiň jogapkärçiligini heniz öz üstüne alan bolmady.