28-nji ýanwarda Owganystan ýurduň demirgazygynda ýerleşýän Hyrat welaýatyndaky “Nur-ul-Jahad” podstansiýanyň kuwwatyny artdyrmak boýunça Türkmenistan bilen degişli Şertnama gol çekdi. Bu barada Owganystanyň “Da Afghanistan Breshna Sherkat” kompaniýasynyň resmi saýtynda habar berilýär.
Bellenilişi ýaly, Kabulda geçirilen “Da Afghanistan Breshna Sherkat” kompaniýasynyň, Türkmenistanyň Energetika ministrliginiň wekiliýetiniň agzalarynyň hem-de “Çalik Enerji” türk kompaniýasynyň wekilleriniň arasynda dört günläp dowam eden gepleşikleriň jemleri boýunça “Nur-ul-Jahad” podstansiýasynyň kuwwatyny 110 kilowatdan 220 kilowata çenli artdyrmak boýunça Şertnama gol çekdiler.
TmCars.info-nyň ozal habar berşi ýaly, Türkmenistanyň Energetika ministrliginiň wekilçilikli topary Owganystanyň Kabul şäherinde elektrik energetikasy taslamalary boýunça gepleşikleri geçirdi. Gepleşikleriň çäklerinde Türkmenistan-Owganystan-Pakistan (TOP) elektrik geçirijisi, “Nur-ul-Jahad” stansiýasy we beýleki elektrik taslamalarynyň hukuk we tehniki taraplary ara alnyp maslahatlaşyldy.