TASS habar agentliginiň habaryna görä, rus ýük gämisine degişli Oboronlogistika kärhanasy tarapyndan berilen beýanatda Ortaýer deňizinde batan "Ursa Maýor" atly ýük gämisine garşy "terrorçylykly hüjümiň" guralandygy habar berildi.
Beýanatda ekipažyň habar bermegine görä 23-nji dekabrda Moskwa wagty bilen sagat 13:50-de gämide yzly-yzyna 3 aýry partlamanyň bolandygy we gäminiň gapdal tarapa ýatyp, suw almaga başlandygy aýan edildi.
Russiýanyň Daşary işler ministrliginiň Krizis ýagdaýy merkezinden 24-nji dekabrda berilen beýanatda, "Ursa Maýor" atly ýük gämisiniň hereketlendiriji bölüminde partlamanyň bolandygy we gäminiň suw alyp batandygy beýan edilipdi.
Gämide iş alyp baran 16 adamdan ybarat ekipažyň 14-si halas edilipdi, 2 adamyň bolsa dereksiz ýitendigi habar berilipdi.