Türkmenistanyň futbol boýunça milli ýygyndysynyň Merkezi Aziýanyň Futbol assosiasiýasynyň çempionatyndaky topardaşy ― Omanyň ýygyndysy ýaryş üçin düzümini yglan etdi.
Janköýer sport saýtynyň habar berşi ýaly, baş tälimçi Branko Iwankowiç ýaryşa 21 futbolçyny alyp geler. Ine, olar:
Derwezeçiler: Ibrahim Al-Muhaýniý, Faýez Al-Raşidi, Ahmad Al-Rawohi.
Goragçylar: Halid Al-Buraýki, Ahmad Al-Hamisi, Fahmi Durbin, Juma Al-Habsi, Sameh Al-Hamraşdi, Mahmud Al-Muşaiffri, Jamil Al-Ýahmadi, Ahmad Al-Kaabi, Ahmad Al-Matruşiý.
Ýarym goragçylar: Hareb Al-Sadiý, Abdullah Fawaz, Arşad Al-Alawiý, Zahir Al-Agboriý, Abdul-Rahmon Al-Maşifariý, Musab Al-Maamari, Salah Al-Ýahýoýiý.
Hüjümçiler: Muhsin Al-Hasani, Essam Al-Subhi, Umar Al-Malikiý.
Omanly futbolçylar Türkmenistanyň, Täjigistanyň we Özbegistanyň ýygyndylary bilen bilelikde A toparçasynda ýaryşarlar. Bu toparçanyň duşuşyklary Özbegistanyň Daşkent şäherinde geçiriler.