Özbegistan Hytaýyň Sýamen portundan Türkmenistanyň üsti bilen Daşkende konteýner otly gatnawyny ýola goýdy.
Bu ugur boýunça ilkinji otly 25-nji iýunda Daşkent şäherine bardy. Podrobno.uz saýtynda berilýän habara görä, otly Hytaýdan Özbegistana çenli bolan ýoly 14 günde geçipdir.
Ilkinji otluda gündelik durmuşda ulanylýan enjamlar bolan sowadyjylar, kir ýuwýan maşynlar we gaz peçler Özbegistana getirilipdir.
Otly 39 sany 12 (39-40 fut) metrlik konteýnerden ybaratdyr. Ýükler Hytaýyň Sýamenden portundan Eýranyň Bender-Abbas portuna çenli deňiz arkaly getirildi. Bu ýerde konteýnerler otla ýüklenilip, Eýranyň hem-de Türkmenistanyň çäginden geçip Özbegistana bardy.
Ozal Özbegistan we Eýranyň Türkmenistanyň üsti bilen multimodal geçelgäni ösdürmek we özbek ýük daşaýjylary üçin tölegleri azaltmak barada ylalaşandyklary barada habar berilipdi.