Italiýanyň çempionatynda “Atalanta” topary Lombardi welaýatynyň başga bir topary “Milany” soňky minutlarda geçiren goly esasynda 2-1 ýeňdi. Çekeleşikli geçen oýunda “Atalanta” 12-nji minutda öňe saýlandy.Goly “Milanyň” öňki oýunçysy Şarl De Ketelare geçirdi. “Milan” topary bu gola laýyk 10 minutdan soň Alwaro Moratanyň goly bilen jogap berdi.
Duşuşygyň 87-nji minutynda bolsa Ademola Lukman “Atalantany” 2-1 hasabynda öňe çykardy.Myhmanlara bu gola jogap bermek üçin wagt ýeterlik bolmady.Netijede, “Atalanta” topary 2-1 hasabynda ýeňiş gazandy.
Bu çempionatdaky bassyr 9-njy ýeňşi boldy. “Atalanta” toparynyň nobatdaky duşuşygy Çempionlar Ligasynda öz meýdançasynda “Real Madrid” bilen bolar. “Atalanta” topary umumylykda 12 oýunda bäri ýeňilmän gelýär.Soňky gezek “Milandan” ýeňlipdi “Serie A”-da çempion “Inter” hem öz meýdançasynda “Parma” bilen duşuşyp, garşydaşyny 3-1 hasabynda ýeňdi.
Milan şäheriniň wekiliniň gollaryny Dimarko (40), Barella (56) hem-de Turam (67) geçirdi. “Parmanyň” ýeke-täk goluny bolsa Dimarko (81 ö.d.) öz derwezesinden saldy. “Inter” umumylykda 13 oýundan bäri ýeňilmän gelýär.
Olar soňky gezek “Milandan” 2-1 hasabynda asgyn gelipdi. /* custom css */ .td_uid_15_67543af3e6050_rand.td-a-rec-img { text-align: left; } .td_uid_15_67543af3e6050_rand.td-a-rec-img img { margin: 0 auto 0 0; }