Türkmenistanyň futbol boýunça Ýokary ligasynda 19-njy tapgyrda sanawyň lideri “Ahal” myhmançylykda “Balkandan” 52 hasabynda üstün çykdy.Duşuşygyň 1-nji minutynda Yhlas Magtymow ýer eýelerini öňe saýlady. Ýöne myhmanlaryň jogaby gijikmedi. 8-nji minutda Döwran Orazalyýew hasaby deňledi. 42-nji minutda Süleýman Muhadow tapawutlanyp, bu gezek “Ahal” topary öňe çykdy. 50-nji minutda Myrat Annaýew aratapawudy 2 gola çykardy. 64-nji minutda ýene-de Yhlas Magtymow tapawutlanyp, toparyny umytlandyrsa-da, soňlugy bilen 71-nji minutda Myrat Annaýew, 90-njy minutda-da Nurýagdy Muhammedow “Ahalyň” 45-nji gollaryny geçirdi. “Altyn asyr” myhmançylykda “Aşgabat” toparyny Wahyt Orazsähedowyň 50-nji minutdaky penalti goly bilen 10 hasabynda ýeňdi.
Oýnuň ahyrlarynda “Aşgabatdan” Dawid Sarkisow gyzyl kartoçka aldy. “Şagadam” bilen “Köpetdagyň” arasyndaky oýunda-da ýeňijini bir pökgi kesgitledi. Ýer eýeleri Ýagmyr Annamyradowyň 17-nji minutdaky goly bilen ýeňşini baýram etdi. “Energetik” bilen “Merwiň” arasyndaky Mary derbisinden-de gol sesi eşidilmedi.