Resmi sapar bilen Kuba giden Türkiýäniň Beýik Millet Mejlisiniň Başlygy Numan Kurtulmuş paýtagt Gawanda Kubanyň Halkyň Güýji Milli Mejlisiniň başlygy Esteban Laso Ernandes bilen duşuşdy.
Numan Kurtulmuş özara we toparara duşuşykda Türkiýe bilen Kubanyň arasynda özara gatnaşyklara ünsi çekdi
Uzak aralyga garamazdan esasan soňky ýyllarda iki ýurduň prezidentleriniň guran resmi saparlary hakynda durup geçen Kurtulmuş, guralýan saparlaryň özara gatnaşyklaryň ösmegine itergi berendigini nygtady.
Türkiýäniň soňky ýyllarda dünýäniň çar tarapynda ýerleşýän ýurtlar bilen ýakyndan gatnaşyk edýändigini aýdan Kurtulmuş, türk işewürleriniň Kubada maýa goýmak isleýändigini we bu meselede Kubanyň hökümetinden we Mejlisinden uly tagalla etmeklerine garaşýandyklaryny belledi.
Kubanyň Halkyň Güýji Milli Mejlisiniň başlygy Esteban Laso Ernandes hem guralýan iki taraply saparlar bilen parlamentara hyzmatdaşlygyň ösdürilmegini arzuw edýändiklerini aýtdy.
Numan Kurtulmuş resmi saparynyň çäginde Kubanyň garaşsyzlyk göreşiniň öňbaşçysy şahyr Hose Martiniň ýadigärligine hem baryp gördi.