Noýabr aýynda şaýbaly hokkeý boýunça Türkmenistanyň çempionatynyň 2022/2023-nji ýyllaryndaky möwsümine badalga berler. Bu barada Türkmenistanyň Hokkeý federasiýasynyň ýolbaşçysy Jora Hudaýberdiýew Нейтральный Туркменистан gazetine beren interwýusynda aýtdy.
Milli çempionata toparlaryň 8-si gatnaşar. Olar Içeri işler ministrliginiň Galkan, şol Ministrligiň institutynyň Nesil, Söwda we daşary ykdysady aragatnaşyklar ministrliginiň Şir, Harby institutyň Watançy, Türkmengaz döwlet konserniniň Oguzhan, Döwlet serhet gullugynyň Merdana, Ministrler Kabinetiniň ýanyndaky ulag we kommunikasiýa agentliginiň Alp Arslan hem-de Sport we ýaşlar syýasaty ministrlerine degişli sport mekdebiniň Bürgüt hokkeý toparlarydyr.
Çempionatyň duşuşyklary Aşgabatdaky Galkan we Gyşky sport toplumlarynda geçiriler.