Aktrisa Nikol Kidman Dramada iň gowy zenan roly kategoriýasynda Altyn globus baýragyna mynasyp boldy. Baýragyň esaslandyryjysy — Golliwudyň daşary ýurt metbugatynyň assosiasiýasynyň twitter habarynda bellenilişi ýaly, aktrisa bu baýraga Rikardo bolmak filmindäki keşbi üçin mynasyp boldy diýip, gazeta.ru habar berýär.
Bu kategoriýada baýraga şeýle hem Jessika Çesteýn (Temmi Feýiň gözleri), Ledi Gaga (Gucci öýi), Oliwiýa Kolman (Nätanyş perzent we Kristen Stýuart (Spenser) dalaş etdi. Ýatlap geçsek, 2021-nji ýylyň fewralynda Los Angeles Times-yň žurnalistleri baýragyň guramaçylaryny jynsparazlykda aýyplapdylar, çünki HFPA-nyň 100-e golaý agzallarynyň arasynda ýekeje-de garaýagyz adam ýokdy.
Netijede, HFPA agzalary eýýäm şu ýyl öz hataryna garaýagyzaryň peýdasyna 20-den az bolmadyk agzany aljakdyklaryny wada etdiler, şeýle hem baýrak bilen göni ýa gytaklaýyn baglanyşygy bolan kompaniýalardan we pudagyň anyk wekillerinden sowgat almaklygy gadagan etdiler.