Nigeriýanyň demirgazyk gündogarynda iki hepdede Boko Harama agza 1332 terrorçy boýun egdi.
Mesele hakynda berlen beýannamada, soňky iki hepdede howpsuzlyk güýçleriniň Borno welaýatynda terror guramasy Boko Harama garşy giň gerimli operasiýa geçirendigi nygtaldy.
Operasiýalarda 1332 terrorçynyň maşgalalary bilen birlikde howpsuzlyk güýçlerine boýun egendigi bellenildi.
Terrorçylar tarapyndan zamun alynan 19 adam hem boşadyldy.
Operasiýalarda gurama agza 8 terrorçynyň täsirsiz ýagdaýa getirlendigi, gurama logistiki goldaw berýän 35 adamyň hem saklanandygy bellenildi.
Nigeriýada 2000-nji ýyllaryň başyndan bäri iş alyp barýan Boko Haramyň, 2009-njy ýyldan bäri guraýan hüjümlerinde 20 müňden gowrak adam ýogaldy.
Terror guramasy, 2015-nji ýyldan bäri ýurduň goňşulary Kamerunda, Çatda we Nigerde hem hüjümler guraýar.
Terror guramasynyň Çad köli oazisinde guran hüjümlerinde azyndan 2 müň adam ýogaldy.
Nigeriýada terrorçylykly hüjümler we çaknyşyklar sebäpli ýüzmüňlerçe adam öýüni terk etmeli boldy.