Nigerde iýun aýyndan bäri dowam edýän aşa ýagýan ýagyşlar sebäpli emele gelen sil apatlarynda we ýer süýşgünlerinde ýogalanlaryň sanynyň 94 adama ýetendigi habar berildi.
Raýat goranyş baş müdürliginden berilen beýanatda, iýun aýynda başlan aşa güýçli ýagyşlar 135 müň 156 adama täsir ýetirendigi mälim edildi.
Beýanatda aşa ýagan ýagyşlar sebäpli emele gelen sil apatlarynda we ýer süýşgünlerinde 94 adamyň ýogalandygy, müňlerçe adamyň hem öýsüz galandygy aýan edildi.
Nigerde iýun aýynda başlaýan ýagyş möwsümi sentýabr aýynda tamamlanýar.
Geçen ýyl 137 müň 797 adama täsir ýetiren aşa ýagan ýagyşlar sebäpli 41 adam ýogalypdy, 53 adam hem ýaralanypdy.