Ekstremist terror guramasy PKK/ÝPG-niň Siriýadaky basyşyny ýüze çykarandygy üçin nyşana alynan gollandiýaly derňew geçiriji Rena Netžes, täze taýarlan kitabynda Siriýanyň demirgazygyndaky dezinformasiýany ýüze çykarmaga synanyşjakdygyny we çagalary zamun alynan maşgalalary gün tertibe getirjekdigini mälim etdi.
Rena Netžes metbugata beren beýanatynda, ekstremist terror guramasynyň Siriýa basyp alan sebitlerindäki basyş ediji syýasatyny, adamlary zamun almagyny we oppozisionerleri ýatyrmagynyň üstünde derňew geçirýändigini habar berdi.
Günbatar ýurtlarynyň Türkiyäniň ekstremist terror guramasy bilen bagly duýduryşlaryna gulak asmaýandygyny tankyt eden Netžes: "Günbatar ýurtlar Türkiyä bolan garaýyşlary sebäpli ekstremist terror guramasy ÝPG/PKK-nyň garaňky tarapyny görmeýärler. ÝPG/PKK-a çagalary zamun almagy hem Günbatarda ýeterlik derejede çynlakaý çemeleşilmeýär" diýip aýan etdi.
Gollandiýada adamlaryň media tarapyndan ýalňyş ugrukdyrylýandygyny aýdan Rene Netžes: "Gollandiýada hökümet we koalisiýadaky partiýalaryň aglabasy PKK/ÝPG barada meniň ýaly pikir edýär, emma çepçi partiýalaryň we medianyň basyşy sebäpli ýeterlik derejede görkezilmeýär" diýip mälim etdi.
Eýýäm ençeme wagt bäri mail we sosial media arkaly ölüm hemlelerini alýandygyny aýdan Rena Netžes: "PKK/ÝPG görkezilmek islenýän ýaly demokratik däl. Bu elhenç bir zat" diýip habar berdi.
Rena Netžes özüne goldaw berýän käbir metbugat işgärleriniň hem terror guramasynyň tarapdarlary tarapyndan gorkuzylandygyny beýan etdi.
Terror guramasynyň Siriýadaky basyşyny ýüze çykarmaga dowam etjekdigini aýdan Rena Netžes, täze taýarlaýan kitabynda Siriýanyň demirgazygyndaky dezinformasiýany ýüze çykarmaga synanyşjakdygyny we çagalary zamun alynan maşgalalary gün tertibe getirjekdigini mälim etdi.