Prezident R. T. Erdogan, Gabardaky nebit guýularynda gündelik nebit önümçiliginiň 35 müň barrelden geçendigini nygtap, şol sany 2024-nji ýylyň ahyryna çenli 100 müň barrele çykarmagy maksat edinýändiklerini aýtdy.
Prezident we Adalat we ösüş partiýasynyň başlygy R. T. Erdogan, Zonguldakda Magdançylar ýadigärliginde geçirlen dabarada çykyş etdi.
Gara deňizden çykarylýan tebigy gazyň belli bir bölegini aprel aýyna çenli tölegsiz bermäge dowam etjekdiklerini aýdan Erdogan, gözleg we burawlaýyş işleriniň hem dowam edýändigini ýatlatdy.
Prezident Erdogan, Türkiýäniň energetika howpsuzlygynyň üpjün edilmegi üçin tagalla edýändiklerini belledi.
Gara deňizde tapylan tebigy gazdan soň Şyrnagyň Gabar etrapçasynda hem ýokary hili nebit tapandyklaryny ýatladan Erdogan, “Gabardaky nebit guýularymyzyň gündelik önümçiligi şu gün 35 müň barrelden geçdi. Şol san gün saýyn artýar. 2024-nji ýylyň ahyryna çenli Gabardaky gündelik nebit önümçiligini 100 müň barrele çykarmagy maksat edinýäris” diýdi.
Prezident Erdogan “Halkymyza nebit-gaz pudagy taýdan täze buşlukly habarlary bermegi umyd edýäris” diýip belledi.