Russiýanyň Adalat ministrliginiň daşary ýurt içalysy hökmünde sanawa alan Galplyga garşy göreş gaznasynyň müdüri Iwan Ždanow, Twitterden beren beýanatynda, polisiýa işgärleriniň tussaglykda bolan Alekseý Nawalnyýnyň jigisi Oleg Nawalnyýny, aklawçysy Lýubow Soboly we Lukmanlar Bileleşigi kärdeşler arkalaşygynyň dolandyryjysy Anastasiýa Wasilýewany 48 sagatlygyna göz tussaglygyna alandygyny habar berdi.
Russiýanyň polisiýa işgärleri Nawalnyýnyň Moskwadaky öýlerinde we döreden Galplyga garşy göreş gaznalarynyň ofislerinde sanitariýa we epidemiologiki düzgünleri berjaý etmänligi bahanasy bilen barlag geçirdiler.
Russiýada tussaglykda bolan rus oppozisioner Alekseý Nawalnyýnyň azat edilmegi üçin on müňlerçe adamyň gatnaşmagynda 23-nji ýanwarda demonstrasiýa geçirilipdi.
Ýurdyň çar tarapynda geçirilen demonstrasiýalarda 3 müňden gowrak adam göz tussaglygyna alynandygy habar berilipdi.
Kremliň metbugat geňeşçisi Dmitriý Peskow, Alekseý Nawalna goldaw maksatly geçirilen demonstrasiýalaryň bikanundygyny we kabul edilmejekdigini beýan edipdi.
Alekseý Nawalnyý 31-nji ýanwarda demonstrasiýalaryň ýaňadandan geçiriljekdigini habar beripdi.