“Napoliniň” oýunlarynyň geçýän “San-Paolo” stadiony meşhur futbolçy Diego Maradonanyň hatyrasyna resmi taýdan atlandyryldy. Meýdançanyň adyny üýtgetmek baradaky karara Neapolyň şäher geňeşiniň ähli agzalary gol çekdi. Şeýle karar beýik türgeniň hatyrasyna hormat goýmak we onuň adyny ebedileşdirmek maksady bilen kabul edildi. Bu barada nation-news.ru habar berýär.
“San-Paolo” stadiony 1959-njy ýylda guruldy.Meýdança apostol Paweliň adyny göterýärdi.Maradona 1984-nji ýyldan 1991-nji ýyla çenli “Napolide” oýnady.Onuň düzüminde ol ýurduň iki gezek çempiony (1986/1987, 1989/1990), Italiýanyň Kubogynyň we Superkubogynyň eýesi, UEFA-nyň Kubogynyň eýesi (1988/1989) boldy.
Argentinaly hüjümçi we tälimçi Diego Maradona 25-nji noýabrda 60 ýaşynda aradan çykdy.Onuň ýüregi saklandy.Maradonanyň ölümi tutuş sport dünýäsi üçin zarba boldy.