Näzli tans toparynyň agzalarynyň 11-si Nýu-Delide geçiriljek Halkara tans we aýdym-saz festiwalyna gatnaşar.
Şunuň bilen baglylykda, Hindistanyň Türkmenistandaky Adatdan daşary we Doly ygtyýarly ilçisi Widhu Pithambaran Nair toparyň agzalary bilen duşuşyp, olara üstünlik arzuw etdi. Şeýle hem festiwal we Hindistan barada söhbet etdi.
Nýu-Delidäki festiwal 18-nji oktýabrdan 20-nji oktýabr aralygynda geçiriler. Näzli tans toparynyň festiwala gatnaşmagy Türkmenistan bilen Hindistanyň arasyndaky Hyzmatdaşlyk Maksatnamasynyň çäginde amala aşyrylýar.
Hindi ilçihanasynyň sosial ulgamlarynda habar berilişi ýaly, Näzli tans topary azyndan iki festiwal meýdançasynda çykyş eder diýlip garaşylýar.