Tennis boýunça möwsümiň 2-nji “Uly tuwulga” ýaryşy “Fransiýa Açykda” ýa-da beýleki ady “Rolan Garrosda” erkeklerden Rafael Nadal, zenanlardan Simona Halep ýeňiji boldy.Umumy baýrak gaznasy 39 müň 197 ýewro bolan ýaryşda erkekleriň arasyndaky finalda ispaniýaly Rafael Nadal bilen “Uly tuwulgalarda” ilkinji gezek finala çykan awstriýaly Dominik Tiem duşuşdy. 2 sagat 42 minutda tamamlanan duşuşykda garşydaşyny 6:4, 6:3 we 6:2 hasaplar bilen ýeňen Nadal “Rolan Garrosdaky” 11-nji kubogyny asmana göterdi (200506070810111213141718). Şeýlelikde, 32 ýaşly Nadal 1 “Uly tuwulga” ýaryşynda iň köp çempionlyk gazanan 2 tennisçiniň biri boldy.
Ol bu ugurda “Awstraliýa Açykda” 11 gezek ýeňiş gazanan awstraliýaly zenan tennisçi Margaret Kortuň rekordyny gaýtalady. 17-nji “Uly tuwulgasyny” gazanan Nadal bu ugurda 20 kubokly Rojer Federere golaýlady.Zenanlaryň arasyndaky 2 sagat 3 minutlap dowam eden finalda sanawyň 1-nji belgili tennisçisi, rumyniýaly Simona Halep bilen 10-njy hatardaky amerikaly Sloane Stefens duşuşdy. 1-nji setde Stefens 6:3 ýeňiş gazandy. Ýöne soňlugy bilen tijenen Halep 2-nji setde 6:4, 3-nji setde-de 6:1 hasabynda ýeňiş gazanyp, ilkinji “Uly tuwulga” kubogyna mynasyp boldy. 4-nji finalynda ilkinji ýeňşine ýeten Halep 2014-nji we 2017-nji ýyllarda “Fransiýa Açykda” hem-de şu ýylky “Awstraliýa Açykda” finalda garşydaşlaryndan asgyn gelipdi.
Ol häzirki wagtdaky öz menejeri Wirjinia Ruziçiden soň “Uly tuwulgada” çempion bolan ilkinji rumyniýaly tennisçisi boldy.Ruziçi mundan 40 ýyl ozal “Rolan Garrosda” ýeňiş gazanypdy.