12-nji noýabrda Milli Geňeşiň ýokarky öýi Halk Maslahatynyň ýygnagynda “Poçta aragatnaşygy barada” kanun kabul edilipdi. Şonda döwlet täzelikler gullugy TDH kanun poçta aragatnaşygyny reformalaşdyrmaga we poçta hyzmatlarynyň hilini ösdürmegi üpjün eder diýip habar beripdi.
“Türkmen.news” neşiriniň üns bermegine görä, kanun boýunça mundan buýana salgylary rusça ýazylan hatlar getirilmez.
Kanunyň 26-nji maddasynda:”Türkmenistanyň içinden iberilen poçta iberijiniň we alyjynyň poçta salgylary döwlet dilinde, Türkmenistanyň daşyna bolsa,barjak ýurtlaryň dilinde ýa-da Bütindünýä poçta bileleşiginiň resminamalary bilen kesgitlenen dilde ýazylmalydyr”.
Mundan öň Türkmenistanda poçta hyzmatlarynyň berilmegi 2010-njy ýylyň Aragatnaşyk kanuny bilen düzgünleşdirilýärdi. Onda belli bir diliň ulanylyşy agzalmaýardy.The post Mundan buýana Türkmenistanda poçtadan iberilen zatlaryň salgylary türkmen dilinde ýazylmaly first appeared on Türkmenistanyň Hronikasy.