Zenanlaryň arasyndaky finalda ispaniýaly Gabriele Muguruza bilen amerikaly Wenus Williams duşuşdy.Duşuşygyň 1-nji seti örän çekeleşikli bolup, ol 55 minutlap dowam etdi.Netijede, ispaniýaly Muguruza 7-5 hasabynda ýeňiş gazandy. 2-nji setde-de juda arkaýyn çykyş eden 23 ýaşly Muguruza tejribeli garşydaşyndan 60 hasabynda üstün çykdy.
Netijede, 20 hasabynda ýeňiş gazanan Muguruza “Wimbledonda” ilkinji gezek, karýerasynda-da 2-nji ýola “Uly tuwulgada” çempion boldy.Bu ýaryşdan öň WTA-nyň sanawynda 14-nji belgide bolan Muguruza 2016-njy ýylda “Rolan Garrosda-da” ýeňiş gazanypdy.
WTA-nyň bäsleşiklerindäki 4-nji çempionlyk kubogyny ýokary göteren Muguruza ýaryşdan soň, sanawda 5-nji orna çykdy.* * *“Wimbledon” tennis ýaryşynda erkekleriň arasyndaky jübütler bäsleşiginde polşaly Lukaş Kubot bilen braziliýaly Marselo Melo ýeňiş gazandy.
Olar finalda awstriýaly Oliwer Maraç bilen horwatiýaly Mate Pawiç ikisini 5 setiň dowamynda 32 (57, 75, 76, 36, 1311) hasabynda ýeňmegi başardy.Zenanlaryň arasyndaky jübütler ýaryşynda-da russiýaly Ýelena Wesnina bilen Ýekaterina Makarowa ikisi çempion boldy.
Russiýaly tennisçiler finalda Hytaý Taýpeýinden Çen Hao-çin bilen rumyniýaly Monika Nikeleskuny ýeňlişe sezewar etdiler (60, 60).Garyşyk jübütlerde britaniýaly Jeými Mýurreý bilen şweýsariýaly Martina Hingis finalda finlýandiýaly Henri Kontinen bilen britaniýaly Heder Watsondan üstün çykdy (64, 64).