10-njy dekabrda Müsürde Prezident saýlawlaryna badalga berildi. Ýurtda, takmynan 9,4 müň saýlaw uçastogy açyldy. Ses berişlik üç gün dowam eder.
Prezidentlige dört dalaşgär bar: 2014-nji ýyldan bäri Müsüre ýolbaşçylyk edip gelýän häzirki döwlet Baştutany Abdel Fattah as-Sisi, Sosial-demokratik partiýasynyň lideri Farid Zahran, “Wafd” liberal partiýasynyň lideri Abdel Sanad Ýamama we Respublikan halk partiýasynyň lideri Hazem Omar.
Habar beriş serişdeleriniň maglumatlaryna görä, as-Sisi ýeňiş gazanmak üçin esasy dalaşgärdir. Ol şu ýylyň oktýabr aýynda raýatlary ýurda “geljekde abadançylyk tapgyryna girmäge” ýardam bermäge çagyrdy.