Amerikaly pop ýyldyzy Teýlor Swift Germaniýanyň Dusseldorf şäherinde geçirilen MTV Ýewropa aýdym-saz bäsleşiginde dört baýraga mynasyp boldy.Swift hem-de Härri Staýlzyň hersi 7 ugurdan dalaşgär görkezildi.
Soňky ýyllaryň iň halanýan aýdymçylarynyň biri bolan Swift iň gowy aýdymçy, iň gowy pop, iň gowy klip we iň uzyn formatly wideo ugurlaryndan baýraga mynasyp boldy.Häzirki wagtda owadan zenanyň täze “Midnights” albomyndaky “Anti-Hero” atly aýdymy iň köp diňlenilýän aýdymlaryň arasynda öňdeligi eýeleýär.
Dabara Swiftiň özi gatnaşyp baýraklaryny aldy.
Dabaranyň açylyşynda Dawid Getta we Bibi Reksanyň iň gowy aýdyşyk ugry boýunça dalaşgär görkezilen “I’m Good (Blue)” aýdymy ýerine ýetirildi. Dabara gatnaşmadyk Niki Minaž 3 ugurdan baýrak aldy. Maý aýynda geçirilen Ýewrowideniýe aýdym-saz bäsleşiginiň ýeňijisi ukrainaly Kaluş Orkestra topary hem çykyş etdi.