Londondaky “Wembli” stadionynda geçirilen 24-nji MTV Ýewropa aýdym-saz baýraklarynyň gowşurylyş dabarasy örän şowhunly häsiýete eýe boldy.Müňlerçe aýdym-saz muşdagynyň, dünýä belli ýyldyzylaryň gatnaşan dabarasynda iň köp baýragy Şawn Mendes gazandy.
Kanadaly 19 ýaşyndaky aýdymçy iň gowy sungat işgäri baýragy bilen bir hatarda, onuň “There’s Nothing Holdin’ Me Back” aýdymy-da iň gowy aýdym sylagyna laýyk görüldi.Iň köp muşdakly aýdymçy, iň gowy kanadaly aýdymçy baýraklaryny-da alan Şawn Mendes özüne sylag gazandyran aýdymyny-da dabaranyň dowamynda ýerine ýetirip, şol ýere ýygnananlaryň göwünlerini galkyndyrdy.
Kendrik Lamaryň “Humble” atly şekilli aýdymy iň gowy wideo baýragy bilen sylaglandy.Iň gowy pop aýdymçysy diýlen ugurda Demi Lowatadan, Maýli Saýrusdan, Şawn Mendesden hem-de Teýlor Swiftden tapawutlanan kubaly ýaş aýdymçy gyz, kem-kemden şöhraty artýan Kamila Kabelýo tapawutlandy.
Iň gowy hip-hop baýragy Eminime gowşurylan bolsa, iň gowy rokçy sylagyna-da “Coldplay” topary laýyk görüldi.Iň gowy görnüş baýragy bilen Zaýn Malik sylaglandy. Ýylyň täze aýdymçysy baýragy Dua Lipa berildi.