Orsýetiň “MTS-Türkmenistan” mobil operatory Aşgabatdaky enjamlaryny we binýatlyk stansiýalaryny söküp, Türkmenistandan ymykly çykýar. Bu barada “IntelliNews” neşiri habar berýär.
Ýatladýarys, “MTS-Türkmenistan” operatory öz işini 2017-nji ýylyň sentýabr aýynyň aýagynda, Türkmenistan ýygylyklary ulanmak baradaky ygtyýarnamasynyň möhletini uzaltmakdan ýüz öwrenden soňra togtatdy.
“IntelliNews” neşiriniň maglumatyna görä, türkmen tarapy ýene bir gezek MTS-iň girdejisinden berýän töleglerini ardyrrmagyny talap etdi.
2012-nji ýylda gol çekilen şertnama laýyklykda, salgytlardan başga, rus operatory göni bäsdeşi bolan “Türkmentelekoma” aýda öz girdejisiniň 30 prosentini tölemäge razy boldy.
MTS 2018-nji ýylyň iýulynda Inwestisiýa dawalaryny çözýän Halkara merkeze Türkmenistanyň üstünden şikaýat etdi.
Operator öz çeken zyýanyny $750 mln möçberinde kesgitledi.Türkmen tarapy muňa jogap edip, MTS-i psihologiki basyş görkezmekde aýyplady.
2018-nji ýylyň noýabrynda MTS bilen Türkmenistanyň Halkara arbitražyndaky arbitrlerini kesgitländikleri belli boldy.