Ýakynda Russiýa Federasiýasynyň Moskwa şäherinde, N.Halmämmedow adyndaky ”Dutaryň Owazy” ady bilen geçirilen VII-nji halkara onlaýn festiwal-bäsleşigi geçirildi. Bu bäsleşige Türkmen Döwlet ýörite sazçylyk mekdebiniň “Aýdym aýtmak” sungaty bölüminiň mugallymy Begdurdy Çerkezow hem gatnaşdy.
Ol kompozitor Ýuli Meýtusyň Magtymguly operasyndan “Magtymgulynyň ariýasyny”, G. F. Gendeliň “Diginare” we Russiýaly kompozitor Guseýn Mämmedowyň sazyna, Gurbannazar Ezizowyň sözlerine “Meniň topragym” atly eserleri bilen gatnaşyp, birinji orna mynasyp bolmagy başardy.