Tennis boýunça erkekleriň arasyndaky möwsümiň jemleýji ýaryşynda italiýaly Ýannik Sinner ýeňiji boldy.Ol ýurdunyň Turin şäherinde guralan 55-nji “ATP Finals” ýaryşynyň finalynda amerikaly Teýlor Fritsi 2 setde-de 6:4-lik hasaplar bilen ýeňlişe sezewar etdi.
Ol toparçada-da Fritsi edil finaldaky ýaly edip ýeňipdi.Bu onuň şu ýaryşdaky ilkinji çempionlygydyr.Galyberse-de, bu onuň şu möwsümdäki 8-nji kubogy, karýerasy boýunça-da 18-nji ATP çempionlygy hökmünde hasaba alyndy.
Sinner soňky 38 ýylda möwsümiň jemleýji ýaryşynda toparçadaky 3 duşuşygynda (Daniil Medwedew 6:3, 6:4; Teýlor Frits 6:4, 6:4; Aleks di Minory 6:3, 64), şol sanda ýarym finalda (Kasper Ruud 6:1, 6:1) hem-de finalda garşydaşlaryny 2 setde ýeňen, başgaça aýdylanda, ýeke setde hem utulman çempionlyk gazanan ilkinji tennisçi diýlip bellige alyndy.
Soňky gezek Iwan Lendl 1986-njy ýylda şeýle statistika bilen çempionlyk gazanypdy.ATP sanawynyň 1-nji belgili tennisçisi Ýannik Sinner geçen ýylam finala çykypdy. Ýöne serbiýaly Nowak Jokowiçden asgyn gelipdi.
Umumy baýrak gaznasy 15 million 250 müň dollara deň bolan ýaryşda Sinner ýeňiji hökmünde 2 million 237 müň 200 dollar pul baýragyna mynasyp boldy. Ýaryşda jübütleriň arasynda germaniýaly Kewin Krawiets bilen Tim Puts ikisi ýeňiş gazanyp, olar finalda salwadorly Marselo Arewalo bilen horwatiýaly Mate Pawiçden 7:6 we 7:6 hasaplar esasynda üstün çykdy. 8 ýaryşda ýeňiji boldy Ýannik şu möwsümde jemi 8 ýaryşda çempion boldy. 14 ýaryşa gatnaşyp, şolaryň 9-synda finalda oýnady.
Ol diňe “Hytaý Açyk” ýaryşynyň finalynda ýeňildi.Sinner “ATP Finals” bäsleşiginden öň 2 “Uly tuwalga” (“Awstraliýa Açyk”, “Amerika Açyk”), 3 “Masters” (“Maýami Açyk”, “Sinsinnati Açyk) hem-de 2 “ATP 500” (“Rotterdam Açyk, “Halle Açyk”) ýaryşynda ýeňiş gazanmagy başardy.
Ol 70 duşuşykda garşydaşlaryndan üstün çykdy.Ol 2016-njy ýylda Endi Mýurreýden soň bu görkezijä ýeten ilkinji tennisçi boldy.Sinner geçiren duşuşyklarynda 92 göterim ýeňiş gazandy.Ol diňe 6 duşuşykda ýeňlişe sezewar boldy.
Sinner geçiren ähli duşuşygynda azyndan 1 setde ýeňiş gazandy.Soňky gezek 2005-nji ýylda Rojer Federer şeýle statistika bilen ýatda galypdy.Ol ilkinji 10-lukda tennisçiler bilen geçiren duşuşygynda 17 gezek ýeňiş gazanyp, 6 oýunda-da utuldy.
Ol Karlos Alkarasdan 3, Daniil Medwedewden, Andreý Rublewden hem-de Stefanos Sisipasdan 1 gezek asgyn geldi. /* custom css */ .td_uid_15_673b2e7a7b229_rand.td-a-rec-img { text-align: left; } .td_uid_15_673b2e7a7b229_rand.td-a-rec-img img { margin: 0 auto 0 0; }