Absolýut söweş çempionatynyň (UFC) russiýaly pälwany Umar Nurmagomedow Las-Wegasda (ABŞ) liganyň 272 belgili turnirinde amerikaly Braýan Kelleherden üstün çykdy.
Tutluşyk ýarym ýeňil agramda geçdi we birinji tapgyrda demikdiriji usul bilen tamamlandy. UFC-niň eks-çempiony Habib Nurmagomedowyň doganoglany üçin bu ýeňiş UFC-daky ikinji we karýerasyndaky on dördünji ýeňiş boldy (2021 ýylyň ýanwarynda ol gazagystanly Sergeý Morozowy ikinji tapgyrda demikdiriji usul bilen ýeňipdi), rus türgeni ýeňlişiň nämedigini bilmeýär. Kelleheriň rekordy - 24 ýeňiş we 13 ýeňliş.