Şu gün Koreýa Respublikasynyň Kýongju şäherinde Mirasy şäherleriň Bütindünýä Guramasynyň (OWHC) IV Aziýa Ýuwaş ummany sebitleýin maslahatynyň açylyşy boldy.
Bu maslahatda Indoneziýadan, Eýrandan, Wýetnamdan, Şri-Lankadan, Hytaýdan, Ýaponiýadan, Polşadan, Gyrgyzystandan, Täjigistandan, Özbegistandan, Türkiýeden, Türkmenistandan we beýleki döwletleriň wekilleri gatnaşdy.
Maslahat Beýik Ýüpek ýolunyň ugrunda ýerleşýän hem-de ÝUNESKO-nyň sanawyna giren mirasy şäherleri barada boldy. XXI asyrda bu mirasy şäherleriň maddy we maddy däl medeni mirasy arkaly gerimi giňeltmek mümkinçiligini artdyrmak, medeniýeti, sungaty gymmatlyklaryny gorap saklamak boýunça ýörite çykyşlar, simpoziumlar, duşuşyklar geçirildi.
Şeýle-de, maslahatyň çäginde Kýongju şäherine gezelenç gurnaldy. Bu şäheriň gadymylygy, gurluşyk, medeniýeti maslahata gatnaşyjy myhmanlarda uly täsir galdyrdy.