9-njy sentiýabrda prezident Serdar Berdimuhamedow 2022-nji ýylyň sekiz aýynda hökümetiň işleri barasynda Ministrler Kabinetiniň mejlisini geçirdi diýip TDH döwlet täzelikler gullugy habar berýär.
Ykdysady we maliýe pudagyna gözegçilik edýän wise-premýer Hojamyrat Geldimyradow oňyn hasabat berip, jemi içerki önümçiligiň (JIÖ) durnukly ösýändigi, önümleriň öndürilişiniň 11,4 göterim, bölekleýin söwdanyň 10,5 göterim we daşary söwda dolanşygynyň 38,6 göterim ösendigi barada gürrüň berdi.
Muňa seretmezden,prezident JIÖ-niň ösüşini saklamagy,döwlet býujetiniň taslamasyny we 2023-nji ýyla sermaýa maksatnamalaryny taýýarlamak üçin “gaýragoýulmasyz çäreler” görmegi Geldimyradowa tabşyrdy. Şeýlede wise-premýere nebit-gaz, tikinçilik we gurluşyk pudaklarynda kuwwatlylygy hem olardan gelýän girdejileri ösdürmek buýruldy.
Nebit-gaza gözegçilik edýän Şahym Awdyrahmanowa ÝET-na berilen karzlary öwrenmegiň möhümdigini prezident ýatlatdy.
Söwda boýunça wise-premýer Batyr Atdaýewe täze önümçiligi döretmek,maýa goýumlaryny ösdürmek, ýurda getirilýän önümleriň ýerini tutjak we daşary ýurtlara eksport ediljek önümler baradaky maksatnamalaryň durmuşa geçirilişini tizleşdirmek buýruldy.
Gurluşyga, senagata we energiýa jogap berýän wise-premýer Çarymyrat Pürçekowa “Türkmenhimiýa” döwlet edarasyna berilen “Türkmenturba” zawodynda önümleriň öndürilişini ösdürmegi prezident tabşyrdy.
Medeniýete we KHS jogap berýän Mährijemal Mämmedowa “garaşsyz Watanyň üstünliklerini wasp edýän dürli janrlar boýunça täze eserleriň yzygiderli döredilmegi üçin” işlemek täbşyryldy.
Ulag we aragatnaşyk boýunça edaranyň başlygy Mämmethan Çakyýewe halkara uçuşlarynyň ugurlaryny we sanyny köpeltmek boýunça teklipleri taýýarlamak tabşyryldy.
Mejlisiň başlygy Gülşat Mämmedowa we Halk Maslahatynyň başlygynyň orunbasary Kasymguly Babaýewe ýüzlenen kiçi Berdimuhamedowyň aýtmagyna görä, “Gahryman-Arkadagyň inisiatiwasy bilen her ýyl üçin şygar döretmek däbi bar” we 2023-nji ýyl üçin şygar barada raýatlardan gowşan teklipleri öwrenmek olara tabşyryldy.
Bellesek,Halk Maslahatynyň başlygy, öňki prezident Gurbanguly Berdimuhamedow mejlislere gatnaşmaýar we prezident ogluna hasabat bermeýär.Ol bu wezipelerini orunbasary Babaýewe tabşyrypdy.The post Ministrler Kabineti: S.Berdimuhamedow JIÖ-niň ösüşini saklamagy, täze uçar gatnawlaryny ýola goýmagy we 2023-nji ýyl üçin şygar seçmegi buýurdy first appeared on Türkmenistanyň Hronikasy.