Türkiyäniň Milli Howpsuzlyk gullugy ekstremist terror guramasy PKK/KJK-nyň ýolbaşçylarynyň biri bolan Nusrettin Demiri Yragyň Gara sebitinde geçiren operasiýa bilen täsirsiz ýagdaýa getirdi.
Howpsuzlyk çeşmelerinden alynan maglumata görä, Türkiyäniň Milli Howpsuzlyk gullugy "Kurtaý Batman" adyny ulanýan Nusrettin Demiriň 2021-2022-nji ýyllar aralygynda Yragyň demirgazygyndaky Penje-Gulp operasiýasy sebitindäki howpsuzlyk güýçlerine garşy guralan hüjümleriň meýilleşdirijisi bolandygy anyklandy.
Terrorçy Nusrettin Demiri gözegçilik astyna alan Milli howpsuzlyk gullugy terrorçynyň 2023-nji ýyldan bäri Yragyň demirgazygyndaky Gara sebitinde jogapkär ýolbaşçy wezipesinde iş alyp barandygy anyklandy.
Penje-Gulp operasiýasy sebitinde ýanyndaky guramanyň agzalary bilen aksiýa geçirmek üçin meýilnama düzendigini anyklan Milli Howpsuzlyk gullugy, geçiren operasiýasy bilen Demiri we ýanyndaky terrorçylary Gara sebitinde täsirsiz ýagdaýa getirdi.
Terror guramasynyň obalyk ýerlerindäki düzümine 2014-nji ýylda goşulan terrorçy Nusrettin Demir, 2016-2021-nji ýyllar aralygynda Siriýada guramaçylyk işlerini alyp barandygy habar berildi.