Türkiyäniň Milli howpsuzlyk gullugy ekstremist terror guramasy PKK/KJK-nyň jogapkär ýolbaşçylarynyň biri bolan Serhat Tagaýy, Yragyň demirgazygyndaky Gara sebitinde geçiren operasiýasy bilen täsirsiz ýagdaýa getirdi.
Howpsuzluk çeşmelerinden alynan maglumata görä, terror jenaýaty sebäpli gözleg astynda bolan Serhat Tagaýyň rezwedka işleriniň netijesinde nirededigi anyklandy.
Merwan Hizan adyny ulanýan terrorçy Yragyň demirgazygyndaky Gara sebitinde Milli Howpsuzlyk gullugy tarapyndan geçirilen operasiýanyň netijesinde täsirsiz ýagdaýa getirildi.
Terror guramasy PKK/KJK-nyň düzümine 2014-nji ýylda goşulan Serhat Tagaýyň 2017-2019-njy ýyllar aralygynda Yragyň demirgazygyndaky Zap sebitinde iş alyp barandygy, howpsuzlyk güýçlerine garşy aksiýalar geçirendigi mälim edildi.
Serhat Tagaýyň mundan başgada gurama tarapyndan ulanylan ýaraglaryň, ok-därileriň we partlaýjy maddalaryň geçirilmegine guramaçylyk edendigi, guramanyň ýolbaşçylarynyň goragçysy wezipesinde iş alyp barandygy anyklandy.