Italiýanyň Kubogy (Coppa Italia) ýaryşynda ilkinji finalçy “Inter” bolup, ol şäher derbisinde “Milany” ýeňmegi başardy.Birinji oýny golsuz geçen ýarym finalyň jogap duşuşygynda “Inter” garşydaşyny 3-0 hasabynda ýeňdi.
Nerazzurilere ýeňiş getiren gollaryň 2-sini 4-nji we 40-njy minutlarda Lautara Martines, beýlekisini-de 82-nji minutda Robin Gosens derwezä girizdi. Şeýlelikde, “Inter” 2011-nji ýyldan soň ilkinji, umumylykda 14-nji gezek finala çykdy.
Kubogy 7 gezek alan “Interiň” finaldaky garşydaşy “Ýuwentus” ýa-da “Fiorentina” bolar. 1-0 “Ýuwentusyň” ýeňşi bilen tamamlanan 1-nji duşuşygyň jogap oýny şu gije Turinde oýnalar.
Çempionlyk ugrunda “Inter” bilen ýiti göreş alyp barýan “Milan” toparyna 2003-nji ýyldan bäri Italiýanyň Kubogyny gazanmak başardanok.