Italiýanyň çempionaty “Serie A”-da “Milan” topary 15-nji tapgyrda myhmançylykda “Benewentony” Frank Kessiniň (15 p) hem-de Rafael Leaonyň (49) gollary bilen 2-0 ýeňdi. 33-nji minutdan soň 1 oýunçy (Tonali gyzyl kart aldy) kem oýnan “Milan” çempionatda 27 duşuşykdan bäri ýeňilmän gelýär. 37 utuk bilen sanawda 1-nji hatarda barýan “Milan” yzly-yzyna 17 duşuşykda azyndan 2 gol geçirmegi başardy. 15 oýunda 11 ýeňiş gazanan “Milanyň” indiki tapgyrdaky garşydaşy “Ýuwentus” bolar. 16-njy tapgyryň çäginde oýnaljak bu oýun çarşenbe gününden penşenbe gününe geçilýän gije oýnalar.
Duşuşyk Aşgabat wagty bilen 00:45-de başlanar. Çekeleşikli bolmagyna garaşylýan oýunda “Milanyň” ýeňlişsiz ýörişiniň dowam edip-etmezligi futbol janköýerleri içgin gyzyklandyrýar.
“Serie A”-da “Milanyň söbügini basyp barýan “Inter” öz meýdançasynda “Krotoneden” 6-2 üstün çykdy. Duşuşkda “Interiň” argentinaly hüjümçisi Lautara Martines het-trik etdi. 33 goluň geçirilen bu tapgyrynda “Atalanta” topary “Sassuolany” 5-1, “Napoli” myhmançylykda “Kaliarini” 41 hasabynda ýeňdi. “Atalanta”“Sassuolo” duşuşygynda Zapata, “Kaliari”“Napoli” oýnunda Zielinski 2 gol geçirdi.
“Serie A”-da 15-nji tapgyryň netijeleri:
Inter Krotone: 6-2
Spezia Werona: 0-1
Parma Torino: 0-3
Jenoa Lasio: 1-1
Fiorentina Bolonýa: 0-0
Kaliari Napoli: 1-4
Atalanta Sassuolo: 5-1
Roma Sampdoria: 1-0
Benewento Milan: 0-2
Ýuwentus Udineze: 4-1
The post “Milan” ýeňlişsiz barýar, ýöne… appeared first on Zaman Türkmenistan.