Italiýanyň çempionatynyň jemleýji 38-nji tapgyr duşuşygynda Milan 3:0 hasabynda Sassuolo klubundan üstün çykyp, A Seriýa çempionatynyň ýeňijisi bolmagy başardy.
Gollary Oliwýe Žiru (17-nji, 32-nji minutlar we Frank Kessýe (36) geçirdi. Milan 86 utuk toplap, çempionaty ikinji orunda barýan Interden iki utuk öňde tamamlady. Inter jemleýji tapgyrda Sampdoriýadan 3:0 hasabynda üstün çykdy. Şeýlelikde, Milan 11 ýyl soňra (soňky çempionlyk 2010/11 möwsümde gazanyldy) ýene-de Italiýanyň çempiony adyna eýe boldy.