Microsoft şereketiniň esaslandyryjysy Bill Geýts, sanjym we koronawirus epidemiýasyna garşy işlenip düzülen täze bejeriş sanjymlary bilen Amerikanyň Birleşen Ştatlarynyň 2021-nji ýylyň ýazynda kadaly ýagdaýa gelip biljekdigini aýtdy.
Microsoft şereketiniň esaslandyryjysy Bill Geýts sanjym önümçiliginiň ýazda köpeljekdigini we düýpli üýtgeşmeleriň boljakdygyny aýtdy.
Sanjymlaryň üstünlikli netijeleri baradaky maglumatlaryň Covid-19 sanjymyny bilmeýän adamlar üçin ynandyryjydygyna umyt baglaýan Geýts, adamlaryň epidemiýadaky hereketlerine üns bermelidigini, agyz-burun örtüklerini geýmekligi we uzak aralyk duýduryşyny berjaý edişine yzygiderli gözegçilik etmelidigini gaýta-gaýta nygtady. Şeýle hem, ol: ABŞ-da resmiler şu aýda Pfizer we Moderna sanjymlaryny gyssagly ulanmaklyk üçin duşuşarlar.
Pfizer sanjymy Angliýada gyssagly ulanmak üçin tassyklandy we sanjymyň indiki hepde başlamagyna garaşylýar.diýip belledi.
Bill Geýts Nýu-Ýorkuň gubernatory Andrew Kuomonyň çarşenbe güni döwletiň 15-nji dekabra çenli 170000 adama sanjym etmeklik üçin ýeterlik dozalara garaşýandygyny aýdandygyny-da dile getirdi.
Şeýle hem ol, 30-njy noýabrda Facebook şereketiniň baş direktory Mark Zukerbergiň ýurduň ýokanç keseller boýunça öňdebaryjy hünärmeni, doktor Entoni Fauçi bilen geçiren söhbetdeşligine görä, ýaşlaryň we saglyk meselesi bolmadyk adamlaryň aprel aýyna çenli sanjym edilmegine garaşylýandygyny aýtdy.
Microsoft şereketiniň esaslandyryjysy Bill Geýts: Çarşenbe güni CNBC bilen geçirilen söhbetdeşlikde Covid-19 bejergisini öwrenýän ABŞ-nyň döwlet-hususy hyzmatdaşlygy kärhanasy bolan Warp Speed Operation şereketiniň üpjünçilik we önümçilik boýunça müdiri general-leýtenant Paul Ostrowski her bir adamyň sanjam edilmegini iýun aýyna çenli başarmalydygyny aýtdy. diýip belledi.