Daşary işler ministri Mewlüt Çawuşogly Türkiýe bilen Maldiwleriň arasynda Bilelikdäki ykdysady komissiýanyň dörediljekdigini belläp: "Söwda kuwwadymyzy öňümizdäki 2 ýylyň içinde 100 million dollar çykarylmagyny maksat edinýäris. Mundan soň täze maksatnamalary orta goýup bileris" diýdi.
Mewlüt Çawuşogly resmi saparynyň çäginde baran Maldiwleriň paýtagty Male şäherinde, Maldiwleriň Daşary işler ministri Abdulla Şahid bilen metbugat ýygnagyny geçirdi.
Ministr Çawuşogly klimat çalşygynyň Türkiýäniň we Maldiwleriň umumy aladalarynyň arasyndadygyny we bu mesele boýunça iki ýurdyň hyzmatdaşlyk ylalaşygyna gol çekişendigini habar berdi.
Şu gün iki ýurdyň arasynda gol çekişilen ylalaşyklaryň biriniň söwda we ykdysady hyzmatdaşlykdygyny aýdan Mewlüt Çawuşogly: "Şol çäkde Bilelikdäki ykdysady komissiýa dörediler.Bu mehanizm ykdysady hyzmatdaşlygymyzy çuňlaşdyrmak we ikitaraplaýyn söwda kuwwadymyzy artdyryp bilmek üçin örän möhüm bir mehanizmdir.
Söwda mukdarymyzy 2021-nji ýylda 2 esse artdyrdyk.Täze maýa goýumlaryň artmagy üçin örän möhüm infrastruktura dörediler.Türk maýa goýumlary örän möhüm.Ençeme türk kärhanasy esasan hem syýahatçylyk pudagyna maýa goýmak üçin örän höwesli.
Bu ýerde tejribelerimizi paýlaşyp bilmek taýdan Howpsyz syýahatçylyk şahadatnamasyny hem paýlaşmagy wada berýäris.Bu biz üçin örän möhüm tejribedi.Söwda mukdarymyzy öňümizdäki 2 ýylyň içinde 100 million dollara ýetirmegi maksat edinýäris" diýip mälim etdi.
Türk howa ýollarynyň Maldiwleriň syýahatçylyk pudagyna örän uly goşant goşýandygyna ünsleri çeken Çawuşogly: "Uçar saparlarynyň sanyny hepdede 7-den 11-e ýetirilmeginiň üstünde işlenýär. Emma şol ýygylygyň dekabr aýynda 11-den 14-e ýetirilmek ähtimallygy hem bar. Şol çäkde Türk howa ýollaryna berýän goldawyňyz sebäpli ýene-de bir gezek minnetdarlyk bildirmek isleýärin" diýip beýan etdi.
Çawuşogly terrorizme we radikalizme garşy göreşiň ikitaraplaýyn hyzmatdaşlygyň arasyndadygyny belläp, şol ugurlaryň Türkiýe üçin örän möhüm ugurlardygyny habar berdi.
Türkiýäniň bu babatdaky tejribelerini Maldiwler bilen paýlaşmaga taýardygyny aýdan Çawuşogly: "FETÖ garşy göreş boýunça beren goldawyňyz üçin sag bolsun aýtmak isleýärin. Bu meselede terror guramasy bilen bagly ünsli bolmagyňyzy we hüşgär bolmagyňyzy haýyş edýärin" diýip nygtady.
Maldiwleriň Daşary işler ministri Abdulla Şahid şu günki saparyň ikitaraplaýyn gatnaşyklar taýdan aýratyn bir ornunyň bardygyny belläp: "Diplomatik gatnaşyklaryň ýola goýulan ýyly bolan 1979-njy ýyldan bäri Türkiýe Respublikasynyň Daşary işler ministrleri Maldiwlere 4-nji gezek sapar guraýar. Bu bolsa dostlukly gatnaşyklarymyzyň örän uly subutnamasy. Şol çäkde ikitaraplaýyn we köptaraplaýyn gatnaşyklarymyzy ösdürmegi maksat edinýäris" diýip mälim etdi.
Şahid Türkiýe bilen bilelikde işlemäge dowam etjekdiklerini belläp: "Bu gatnaşyklaryň bu sebitde parahatçylyga we howpsuzlyga örän uly goşandynyň boljakdygyna ynanýaryn. Öňümizdäki ýyllarda şol gatnaşyklaryň has hem çuňlaşdyryljakdygyna ynanýandygymyzy ýene-de bir gezek nygtamak isleýärin" diýip habar berdi.