Fransiýanyň çempionaty Ligue 1-de PSŽ toparyna çempionlyk üçin 1 utuk ýa-da 2-nji ýerdäki Lansyň utulmagy gerekdi.Myhmançylykda Strasbur bilen duşuşan PSŽ 1-1 (Gameýro 79 Messi 59) deňme-deň oýnap, çempionlyk üçin ýeterlik bolan 1 utugy gazandy we bassyr 2-nji, umumylykda-da 11-nji çempionlygyny baýram etdi.
PSŽ bu çempionlygy gazanmak bilen Ligue 1-de iň köp çempion bolan topar rekordynyň ýeke-täk eýesi boldy.Parižliler bu ugurda rekorda Sent-Etien bilen paýlaşýardy.
Soňky 11 ýylda 9 gezek çempionlyk gazanan PSŽ utugyny 85-e ýetirip, möwsümiň tamamlanmagyna 1 tapgyr galanda Lansdan 4 utuk öňe saýlandy. Lans bolsa çempionaty 2-nji ýerde tamamlap, 21 ýyldan soň Çempionlar Ligasyna gatnaşmaga hukuk gazandy.
Duşuşykda PSŽ-niň goluny geçiren Lionel Messi Ýewropanyň öňdebaryjy 5 çempionatynyň iň netijeli futbolçysy boldy. 496-njy goluny geçiren Messi bu ugurda 495 golly Kristiano Ronaldodan öňe saýlanyp, rekordy öz adyna geçirdi.