Ispaniýanyň “La Ligasynda” Lionel Messiniň şemaly belentden öwüsýär.Soňky 4 tapgyrda 2-nji het-trigini eden super ýyldyz gollarynyň sanyny 29-a ýetirdi. “Barselona” myhmançylykda “Betisi” 42 hasabynda ýeňdi.
Bu oýunda biri-birinden owadan 3 gol geçiren Messini ýerli toparyň janköýerleri-de el çarpyşmalar bilen gutlady. “Atletikonyň” myhmançylykda “Atletikden” 20 utulmagyndan soň, “Barselona” utuk aratapawudyny 10-a çykardy.
Zinedin Zidany täzeden tälimçilige bellän “Real Madrid” öz meýdançasynda “Seltany” ozalky tälimçi Solariniň kän oýnatmadyk oýunçylary Isko we Beýliň gollary bilen 20 ýeňdi. Fransiýanyň çempionatynda-da dartgynly derbileriň biri oýnalyp, “Le Classique” derbisinde PSŽ meýdançasynda “Marselden” 31 üstün çykdy. Ýer eýeleriniň gollarynyň 2-sini Di Mariýa, beýlekisini-de Mbappe öz adyna ýazdyrdy.
Derwezeçisi gyzyl kart alan “Marseliň” pökgüsini Žermen tora ýollady.Germaniýanyň çempionatynda gol aratapawudy boýunça öňde barýan “Bawariýa” meýdançasynda “Maýnsyň” torundan jogapsyz 6 gol geçirdi.Duşuşykda Hames Rodriges het-trik etdi.
Beýleki gollary-da Lewandowski, Koman hem-de Dewies öz atlaryna ýazdyrdy.Dortmundyň “Borussiýasy” bolsa, myhmançylykda “Herta” bilen duşuşyp, iň soňky minutlarda Marko Roýsuň goly bilen ýeňşini baýram etdi (32). “Bundesligada” ýene bir het-trik hasaba alnyp, “Wolsburgyň” öýünde “Düsseldorfy” 52 ýeňen duşuşygynda ýer eýeleriniň gollandiýaly hüjümçisi Waut Weghorst 3 gol geçirdi.