Argentinaly super ýyldyz Lionel Messi täze topary “Inter Maýaminiň” düzüminde MLS-däki ilkinji duşuşygyny geçirdi.MLS-iň 28-nji tapgyrynda “Inter Maýami” myhmançylykda “Nýu Ýork Red Bulls” topary bilen duşuşdy.
Messi bu oýunda ätiýaçdan başlap, 60-njy minutda meýdança girdi. 89-njy minutda-da tapawutlanan Messi toparynyň 2-nji goluny geçirdi. 2-0 hasabynda ýeňiş gazanan “Inter Maýaminiň” 1-nji goluny 37-nji minutda Gomes öz adyna ýazdyrdy. 6-njy ýeňşini gazanan “Inter Maýami” topary öz konferensiýasynda 14-nji orna beýgeldi.
Lionel Messiniň täze toparyndaky gollarynyň sany 11-e ýetdi. “Inter Maýami” topary indiki duşuşygynda öz meýdançasynda “Neşwill” kluby bilen duşuşar.