Bütin dünýäde uly gowur turzan “Tagt oýunlary” serialyndaky Sansa Starkyň keşbi bilen uly meşhurlyk gazanan Sofi Törneriň nobatdaky taslamasy belli boldy. 28 ýaşyndaky aktrisa meşhur wideo oýny “Tomb Raider” esasynda ekranlaşdyryljak serialda baş keşbi Lara Kroftuň keşbini ýerine ýetirer.
Onuň öňümizdäki günlerde şertnama baglaşjakdygy habar berlip, ol bu keşp üçin Lusi Boýnton, Emma Korin hem-de Makkenzi Dewis ýaly aktrisalardan öňe saýlandy.Serial taýýar bolanyndan soň “Amazon Prime Video”-da görkeziler.
Wideo oýun dünýäsine 1996-njy ýylda ädim ädem “Tomb Raider” seriýasy harabalyklaryň, taryhy ýadygärliklerdäki syrlary ýüze çykarmak üçin göreşýän arheolog Lara Kroftuň başdan geçiren wakalaryny özünde jemleýär.Mundan öň “Tomb Raider” esasynda 3 film surata düşürilip, 2001-nji we 2003-nji ýyllarda ekranlaşdyrylan 1-2-nji filmde baş keşbi oskarly aktrisa Anjelina Joli janlandyrypdy. 2018-nji kinomuşdaklaryna ýetirilen 3-nji filmde Lara Kroftuň keşbinde başga bir oskarly aktrisa Alisia Wikander surata düşüpdi.