Ýurdumyzyň futbol çempionatynyň 23-nji tapgyrynyň jemleýji duşuşyklary geçirildi.
Paýtagtymyzda geçirilen duşuşykda ýaryş tertibiniň öňbaşçylary “Altyn Asyr” bilen “Ahal” toparlary duşuşdylar. Öňdebaryjy toparlaryň arasynda geçen duşuşyk 3:0 hasabynda “Altyn Asyryň” peýdasyna tamamlandy. Ýazguly Hojageldiýewiň tälim berýän toparyna ýeňiş getiren toplary Mekan Saparow bilen Altymyrat Annadurdyýew geçirmegi başardylar.
Bu duşuşykda iki gezek tapawutlanan A.Annadurdyýewiň çempionatyň dowamynda derwezelere geçiren 27 topy bilen iň köp gol geçiren oýunçylaryň arasynda öňdäki orny eýeleýändigini ýatladýarys.
Gazanan bu ýeňşi “Altyn Asyra” “Ahal” bilen utuk aratapawudyny 12-ä çenli artdyrmaga mümkinçilik berdi. “Altyn Asyr” topary 22 oýunda 58 utuk toplan bolsa, “Ahalyň” 21 oýunda 46 utugy bar.
Türkmenbaşyda geçirilen duşuşykda bolsa ýer eýeleri, “Şagadam” topary ýeňiş gazandy. Balkanabadyň “Nebitçisini” kabul eden kenarýaka topary 4:0 hasabynda üstün çykdy.
Gazanan bu ýeňşinden soň “Şagadam” toplan 37 utugy bilen ýaryş tertibinde eýeleýän üçünji ornunda galdy. 20 utugy bolan “Nebitçi” 7-nji orny eýeleýär.
Ýurdumyzyň futbol çempionatynyň 24-nji tapgyrynyň duşuşyklary 10-njy hem-de 11-nji noýabrda geçirilip, onda “Aşgabat” “Energetik”, “Merw” “Ahal”, “Nebitçi” “Köpetdag” hem-de “Altyn Asyr” “Şagadam” toparlary duşuşarlar.
23-nji tapgyryň duşuşyklarynyň netijeleri:
“Şagadam” “Nebitçi” 4:0
Gollar: 21, 23 Yhlas Magtymow, 77 Hemra Amanmämmedow, 84 Musa Nurnazarow (“Şagadam”)
Duýduryşlar: 81 Ýunus Orazmämmedow (“Şagadam”) 25 Saýat Gulyýew, 44 Hemra Gulyýew, 56 Umytjan Astanow, 64 Mämmedaly Karadanow (“Nebitçi”)
Oýundan çykarylan: 62 Umytjan Astanow, ikinji duýduryş (“Nebitçi”)
Geçirilen ýeri: “Şagadam” stadiony (Türkmenbaşy ş.)
Duşuşygyň emini: R.Mämmedow (Aşgabat ş.)
Kömekçi eminler: M.Nurberdiýew (Aşgabat ş.), M.Allaberdiýew (Aşgabat ş.)
Ätiýaçdaky emin: A.Annamyradow (Balkanabat ş.)
Gözegçi emin: M.Seýitgulyýew (Aşgabat ş.)
“Ahal” “Altyn Asyr” 0:3
Gollar: 69 Mekan Saparow, 83, 90+1 Altymyrat Annadurdyýew (“Altyn Asyr”)
Duýduryşlar: 53 Baýjan Satlykow, 72 Pirmyrat Sultanow (“Ahal”) 46 Mekan Saparow (“Altyn Asyr”)
Geçirilen ýeri: “Nusaý” (Aşgabat ş.)
Duşuşygyň emini: J.Jumamyradow (Aşgabat ş.)
Kömekçi eminler: P.Pälwanow (Daşoguz ş.), A.Begnazarow (Mary ş.)
Ätiýaçdaky emin: B.Haknazarow (Aşgabat ş.)
Gözegçi emin: G.Öwezow (Aşgabat ş.)
Çempionatyň tablisasy XXIII tapgyrdan soň:
T/b
Toparlar
O
Ý
D
U
T
U
1.
“ALTYN ASYR” FK
23
18
4
1
63-16
58
2.
“AHAL” FK
22
14
4
4
41-18
46
3.
“ŞAGADAM” FK
23
10
7
6
35-21
37
4.
“KÖPETDAG” FK
23
9
7
7
26-19
34
5.
“AŞGABAT” FK
22
7
5
10
23-38
26
6.
“MERW” FK
22
7
2
13
24-37
23
7.
“NEBITÇI” FK
23
6
2
15
21-50
20
8.
“ENERGETIK” FK
22
2
3
17
17-51
9