Kämil Bilim, Bilim Ýoly we Altyn göreç okuw merkezlerinde Anzan Mega Mental arifmetika maksatnamasy boýunça okaýan mekdep okuwçylary MEMORIAD 2024 Bütindünýä zehin sportlary olimpiadasyna döwletimiziň adyndan ilkinji gezek gatnaşýarlar. Dünýäniň 60-dan gowrak döwletinden iň zehinli 150-den gowrak saýlanan “beýin türgenleri” bilen ýaryşarlar.
https://www.youtube.com/shorts/FGp0Q30zYNM
Memoriad 2006-njy ýylda esaslandyryldy we şol ýylda dünýäniň 60 ýurdunda hasaba alyndy. Onuň esaslandyryjylary:
1. Ginnesiň rekordlar kitabynda Unutmany unudan adam diýen at bilen orun alan we Dünýä ýatkeşlik çempiony, Türkiýe Respublikasynyň raýaty Melik Duýar.
2. Ginnesiň rekordlar kitabynda Dünýäniň iň çalt kalkulýator adamy diýen at bilen ýer alan we Amerikanyň Birleşen Ştatlarynyň raýaty Skott Flansburg.
3. Mental Calculation World Cup (MCWC) Ýatdan hasaplamagyň dünýä kubogy atly guramanyň esaslandyryjysy, Germaniýa Federatiw Respublikasynyň raýaty, statistikaçy professor Ralf Laue.
Melik Duýaryň, Skott Flansburgyň we Ralf Laueniň başlangyçlary Memoriad Bütindünýä Zehin sportlary olimpiýadasy 2008-nji ýylda Türkiýe Respublikasynyň Stambul şäherinde başlandy. Ondan soňky ýyllarda dünýäniň beýleki ýurtlaryndan milli wekilleriň gatnaşmagy bilen Memoriad Bütindünýä Zehin sportlary federasiýasy döredildi.
Memoriad 2008-nji ýyldan ýeňijilere pul baýraklary, ýörite üstünlik derejeleri, medallar we kuboklar gowşurylyp başlanan ilkinji bütindünýä zehin olimpiadasydyr.
Memoriad olimpiadalary Olimpiýa oýunlaryna meňzeşlikde dört ýyldan bir gezek geçirilýär.
Memoriad olimpiadasy soňky gezek 2016-njy ýylda Amerikanyň Birleşen Ştatlarynyň Las-Wegas şäherinde geçirildi.
2020-nji ýylda olimpiada koronawirus pandemiýasy sebäpli geçirilmedi. Nobatdaky olimpiada 2024-nji ýylyň 4-11-nji noýabry aralygynda Birleşen Arap Emirlikleriniň Dubaý şäherinde geçiriler. Türkmenistandan jemi 17 sany dalaşgär we 2 sany wekil bu dünýä ýaryşyna gatnaşmaga hukuk gazandy we bu olimpiada ýurdumyzdan ilkinji gezek gatnaşarlar.
Türkmenistandan çagyrylan dalaşgärler şu aşakda görkezilen kategoriýalardan gatnaşýarlar:
1. Zehin senenamasy
2. Flaş Anzan Marafony
3. Ýatdan goşmak
4. Ýatdan köpeltmek (8×8)
5. Ýatdan kwadrat kök almak (6 belgili).
Döwletmyrat Durdymämmedow Kämil Bilim hususy kärhanasynyň direktorynyň orunbasary (Memoriad Bütindünýä zehin sportlary federasiýasynyň Türkmenistandaky resmi wekili).
Memoriad 2024 olimpiadasyna Memoriad Bütindünýä Zehin sportlary federasiýasynyň resmi wekili we olimpiadanyň emin agzasy hökmünde çagyryldy.
Ginnesiň rekordlar kitaby guramasynyň agzalarynyň gatnaşmagynda bu olimpiadanyň çäklerinde dünýä rekordyny goýmak we täzelemek ugrunda synanyşyklar geçiriler.