Meksikanyň Döwlet baştutany Andres Manuel Lopes Obrador metbugata beren beýanatynda, ABŞ-nyň Tehas ştatynyň serhediniň golaýyndaky Sýudad-Huares şäherinde ýerleşýän Meksikanyň Milli Migrasiýa institutynda ýangynyň bolandygyny habar berdi.
Obrador ýangynyň ýurtdan çykarylmak üçin garaşdyrylýan bosgunlaryň sebäp bolandygyny belläp: "Protest hökmünde merkeziň gapysyny ýapyp, ýakdylar we onuň elhenç tragediýa sebäp boljakdygyna göz ýetirmediler. Ýurtdan çykaryljakdyklaryny bilendikleri üçin şol herekedi edendiklerini pikir edýäris" diýip mälim etdi.
Milli Migrasiýa institutyndan berilen ýazmaça beýanatda, düýn gije başlan ýangynda 39 adamyň ýogalandygy, 29 adamyň hem ýaralanandygy aýan edildi.
Beýanatda 4 aýry hassahanada bejergi astyna alynan adamlaryň saglyk ýagdaýlarynyň tankydydygy beýan edildi.