Meksikanyň paýtagty Mehiko Sitide oýnalan tennis duşuşygynda rekord hasaba alyndy. Şweýsariýaly Rojer Federer bilen germaniýaly Aleksandr Zwerewiň arasyndaky görkezme duşuşygyna 42 müň 517 tomaşaçy gatnaşdy.Bu bolsa tennisiň taryhynda iň köp janköýeriň tomaşa eden duşuşygy boldy.
Rodeo hem-de öküz ýaryşlarynyň geçirilýän ringi “Plaza de Toros”-da geçirilen duşuşykda Federer 3:6, 6:4, 6:2 hasaplar bilen ýeňiş gazandy.Tennisiň taryhyndaky mundan öňki iň köp tomaşaçyly duşuşyk 2010-njy ýylda belgiýaly Kim Kliýsters bilen amerikaly Serena Williamsyň arasyndaky oýun bolupdy.
Belgiýada oýnalan bu duşuşyga 35 681 tomaşaçy tomaşa edipdi.