Meksikada geçen ýumurtga ýarmarkasynda täze dünýä rekordy goýuldy: 2 müňden gowrak adam ýumurtgany çemçede saklap ylgamak boýunça ýaryşa gatnaşdylar. Waka Ginnesiň rekordlar kitabynda bellige alyndy. Bu barada United Press International neşirine salgylanýan Mail.ru ýazýar.
Ýaryşy Halisko şäherindäki guşçularyň assosiasiýasy gurady. Oňa ýerli orta mekdebiň 2700 okuwçysy gatnaşdy. Olar 100 metr aralygy çemçede ýumurtga göterip ylgadylar. Şunda ýumurtgany ýere gaçyrmaly däl.
Ginnesiň rekordlar kitaby ýaryşa gatnaşanlaryň diňe 2039-synyň hiç hili düzgün bozmasyz aralygy geçendiklerini hasaba aldy, ýaryşyň özi bolsa, ýumurtgaly çemçeli guralan iň uly ylgaw ýaryşy hökmünde bellige alyndy.
Halisko ştatyna Meksikada öndürilýän ähli ýumurtgalaryň 50,4 göterimi degişlidir. Bu ýerde şeýle-de myhmanlara ýumurtgadan taýýarlanan dürli naharlaryň 100 görnüşi hödür edildi.